Date: 14- 03-2026
దాడి ఇన్స్టిట్యూట్ ఆఫ్ ఇంజినీరింగ్ అండ్ టెక్నాలజీ, ఆటోనోమౌస్ ఇన్స్టిట్యూట్ కంప్యూటర్ సైన్స్ అండ్ ఇంజినీరింగ్ విభాగం ఆధ్వర్యంలో నాలుగు సంవత్సరాములు బి. టెక్. పూర్తి చేసుకున్న విద్యార్థులకు వీడ్కోలు కార్యక్రమాన్ని ఘనంగా నిర్వహించారు. కళాశాల ప్రాంగణంలో నిర్వహించిన ఈ కార్యక్రమంలో అధ్యాపకులు, జూనియర్ విద్యార్థులు మరియు తుదివత్సర విద్యార్థులు ఉత్సాహంగా పాల్గొన్నారు.
ఈ కార్యక్రమానికి కళాశాల ఛైర్మన్ శ్రీ దాడి రత్నాకర్ గారు ముఖ్య అతిథిగా పాల్గొని మాట్లాడుతూ విద్యార్థులు తమ విద్యాభ్యాస సమయంలో పొందిన జ్ఞానం మరియు నైపుణ్యాలను సమాజాభివృద్ధికి ఉపయోగించుకోవాలని సూచించారు. విద్యార్థులు క్రమశిక్షణ, కృషి మరియు పట్టుదలతో ముందుకు సాగితే జీవితంలో ఉన్నత స్థానాలను సాధించగలరని ఆయన పేర్కొన్నారు. కళాశాలలో పొందిన అనుభవాలను జీవితాంతం గుర్తుంచుకొని మంచి పౌరులుగా ఎదగాలని ఆయన ఆకాంక్షించారు.
కళాశాల ప్రిన్సిపాల్ డాక్టర్ ఆర్. వైకుంఠ రావు గారు మాట్లాడుతూ విద్యార్థులు భవిష్యత్తులో ఉన్నత లక్ష్యాలను సాధించి కళాశాల పేరు ప్రతిష్టలను మరింత పెంచాలని సూచించారు. విద్యార్థులు తమ ప్రతిభను సృజనాత్మకంగా ఉపయోగించి సమాజానికి సేవ చేయాలని అన్నారు.
కంప్యూటర్ సైన్స్ అండ్ ఇంజినీరింగ్ విభాగాధిపతి డా కే సుజాతా మాట్లాడుతూ తుదివత్సర విద్యార్థులు కళాశాలలో గడిపిన నాలుగు సంవత్సరాల అనుభవాలను గుర్తు చేసుకుంటూ వారి భవిష్యత్తు విజయవంతంగా ఉండాలని ఆకాంక్షించారు.
ఈ సందర్భంగా తుదివత్సర విద్యార్థులు కళాశాలలో గడిపిన మధుర జ్ఞాపకాలను పంచుకున్నారు. జూనియర్ విద్యార్థులు సాంస్కృతిక కార్యక్రమాలు నిర్వహించి అందరినీ ఆకట్టుకున్నారు. పాటలు, నృత్యాలు మరియు వినోదాత్మక కార్యక్రమాలతో కార్యక్రమం సందడిగా కొనసాగింది.
కార్యక్రమం చివరలో తుదివత్సర విద్యార్థులకు స్మారక చిహ్నాలు అందజేసి అధ్యాపకులు మరియు జూనియర్ విద్యార్థులు ఘనంగా వీడ్కోలు పలికారు.
ఈ కార్యక్రమంలో అధ్యాపకులు, సిబ్బంది మరియు విద్యార్థులు పెద్ద సంఖ్యలో పాల్గొన్నారు.
