ఎబోలా కలకలం: ఢిల్లీ విమానాశ్రయంలో హై అలర్ట్..

ఆఫ్రికన్ దేశాలలో ఎబోలా వైరస్ మహమ్మారి విజృంభిస్తున్న నేపథ్యంలో భారత ప్రభుత్వం అప్రమత్తమైంది. ఇందులో భాగంగానే ఢిల్లీలోని ఇందిరాగాంధీ అంతర్జాతీయ విమానాశ్రయం (IGI) ప్రయాణికులకు కీలకమైన హెల్త్ అడ్వైజరీ (ఆరోగ్య మార్గదర్శకాలను) జారీ చేసింది.

ప్రపంచ ఆరోగ్య సంస్థ (WHO) నివేదికల ప్రకారం ఈ క్రింది దేశాలను అత్యంత ప్రమాదకరమైన దేశాలుగా గుర్తించారు:

ఈ దేశాల నుండి నేరుగా వచ్చే వారు లేదా ఈ దేశాల మీదుగా ప్రయాణించి (ట్రాన్సిట్) భారత్‌కు చేరుకునే ప్రయాణికులు విమానాశ్రయంలో ఇమ్మిగ్రేషన్ క్లియరెన్స్ కంటే ముందే స్క్రీనింగ్ పరీక్షలు చేయించుకోవాలని స్పష్టం చేశారు.

సదరు దేశాల నుండి వచ్చే ప్రయాణికులలో ఈ క్రింది లక్షణాలు కనిపిస్తే వెంటనే ఎయిర్‌పోర్ట్ హెల్త్ ఆఫీసర్‌కు సమాచారం అందించాలని ఢిల్లీ ఎయిర్‌పోర్ట్ అథారిటీ ఆదేశించింది:

ఎబోలా సోకిన వ్యక్తుల లేదా జంతువుల శారీరక ద్రవాలతో (రక్తం, లాలాజలం వంటివి) ప్రత్యక్ష సంబంధం ఉన్నవారు విమానాశ్రయంలో అధికారులకు ముందే నిజాయితీగా తెలియజేయాలి. అంతేకాకుండా, ప్రయాణం ముగించుకుని వచ్చిన 21 రోజులలోపు పైన పేర్కొన్న ఏ ఒక్క లక్షణం కనిపించినా.. వెంటనే స్థానిక ఆరోగ్య కేంద్రాలను సంప్రదించి తమ ప్రయాణ వివరాలను వెల్లడించాలని సూచించారు.

ప్రస్తుతానికి భారతదేశంలో ఎలాంటి ఎబోలా కేసులు నమోదు కాలేదని, ప్రజలు ఎవరూ ఆందోళన చెందాల్సిన అవసరం లేదని కేంద్ర ఆరోగ్య శాఖ స్పష్టం చేసింది. కేవలం ముందు జాగ్రత్త చర్యల్లో భాగంగానే విమానాశ్రయాల్లో ఈ కఠిన నిఘా ఏర్పాటు చేసినట్లు వెల్లడించింది.