విజయవాడ, ఏప్రిల్ ఆంధ్రప్రదేశ్ రాష్ట్రంలో బహుజన్ సమాజ్ పార్టీ (బిఎస్పి)ని బలోపేతం చేయడం మరియు సంస్థాగత నిర్మాణంపై ఒక రోజు వర్క్షాప్ను నిర్వహించనున్నట్లు పార్టీ రాష్ట్ర కార్యాలయం ప్రకటించింది. ఈ మేరకు విజయవాడలోని రాష్ట్ర కార్యాలయం నుండి సర్క్యులర్ (11/2026) విడుదలయ్యింది.
ఈ వర్క్షాప్ ఏప్రిల్ 19, 2026, ఆదివారం నాడు విజయవాడలో ఉదయం 9:00 గంటల నుండి సాయంత్రం 6:00 గంటల వరకు జరుగుతుంది. ఈ కార్యక్రమానికి పార్టీ రాష్ట్ర కార్యవర్గ సభ్యులు మరియు అన్ని జిల్లాల అధ్యక్షులు తప్పనిసరిగా హాజరుకావాలని పార్టీ ఆదేశించింది. ఈ కీలక సమావేశానికి నిర్దేశించిన ప్రతినిధులు మినహా ఇతరులెవరికీ అనుమతి లేదని స్పష్టం చేసింది.
ఈ వర్క్షాప్లో సమయపాలన అత్యంత కీలకం. ప్రతి నాయకుడు ఉదయం 9:00 గంటల నుండి సాయంత్రం 6:00 గంటల వరకు తప్పనిసరిగా ఉండాలి. ఎటువంటి కారణాలతోనైనా ఆలస్యంగా రావడం లేదా ముందుగా వెళ్లడం వంటివి అనుమతించబడవు. పార్టీ భవిష్యత్తు కార్యాచరణ దృష్ట్యా ఈ సమావేశం అత్యంత ప్రాధాన్యత సంతరించుకుంది.
