డ్రగ్స్, గంజాయికి యువత దూరంగా ఉండాలి – ఎస్ఎఫ్ఐ ఆధ్వర్యంలో ర్యాలీ

ఎలమంచిలి ప్రాంతంలో విద్యార్థులు, యువకులు డ్రగ్స్ మరియు గంజాయి వంటి మత్తు పదార్థాలకు దూరంగా ఉండాలని, వాటి వల్ల కలిగే దుష్పరిణామాలపై అవగాహన కల్పిస్తూ ఈరోజు విద్యార్థులతో కలిసి ఎస్ఎఫ్ఐ ఆధ్వర్యంలో ర్యాలీ నిర్వహించారు.ఈ సందర్భంగా ఎస్ఎఫ్ఐ జిల్లా అధ్యక్షుడు ఎం. బాలాజీ మాట్లాడుతూ, డ్రగ్స్ మరియు గంజాయి వినియోగం యువత భవిష్యత్తును నాశనం చేస్తుందని అన్నారు. మత్తు పదార్థాల అలవాటు వల్ల విద్య, ఆరోగ్యం, కుటుంబ సంబంధాలు దెబ్బతింటాయని, సమాజంలో అనేక సమస్యలు తలెత్తే ప్రమాదం ఉందని తెలిపారు.విద్యార్థులు, యువకులు చెడు వ్యసనాలకు దూరంగా ఉంటూ విద్య, క్రీడలు, సామాజిక సేవల వైపు దృష్టి సారించాలని సూచించారు. డ్రగ్స్ నిర్మూలనకు ప్రభుత్వం, పోలీసులు కఠిన చర్యలు తీసుకోవడంతో పాటు అవగాహన కార్యక్రమాలు మరింత విస్తృతంగా నిర్వహించాలని కోరారు.యువత తమ జీవిత లక్ష్యాలను సాధించే దిశగా కృషి చేయాలని, మత్తు పదార్థాలకు దూరంగా ఉండి ఆరోగ్యకరమైన సమాజ నిర్మాణంలో భాగస్వాములు కావాలని పిలుపునిచ్చారు.ఈ ర్యాలీలో ఎస్ఎఫ్ఐ నాయకులు, విద్యార్థులు, యువకులు పెద్ద సంఖ్యలో పాల్గొన్నారు.