ప్రభుత్వ పాఠశాలల్లో నాణ్యమైన విద్య - ఘనంగా బడిబాట ర్యాలీ

యలమంచిలి పి బయ్యవరo ప్రాథమికోన్నత పాఠశాల ప్రధానోపాధ్యాయిని బి.వి ధనలక్ష్మీ పిల్లలందరినీ పాఠశాలల్లో చేర్పించి, వారిని విద్యావంతులుగా తీర్చిదిద్దడమే లక్ష్యంగా స్థానిక ప్రాథమికోన్నత పాఠశాల ఆధ్వర్యంలో 'బడిబాట' కార్యక్రమం అత్యంత ఉత్సాహంగా జరిగింది. పాఠశాల ప్రధానోపాధ్యాయిని బి.వి. ధనలక్ష్మి నేతృత్వంలో గ్రామ పురవీధుల్లో భారీ ర్యాలీ నిర్వహించారు.

ఈ కార్యక్రమానికి ముఖ్య అతిథిగా విచ్చేసిన మండల విద్యాశాఖాధికారి (MEO) సుసర్ల సూర్య ప్రకాశ్ రావు జెండా ఊపి ర్యాలీని ప్రారంభించారు. ఈ సందర్భంగా ఆయన మాట్లాడుతూ, బడి ఈడు గల ప్రతి బిడ్డను ప్రభుత్వ పాఠశాలలోనే చేర్పించాలని తల్లిదండ్రులకు విజ్ఞప్తి చేశారు.

ఈ ర్యాలీలో మాజీ వైస్ ఎంపీపీ గొన్నబత్తుల శేషు, గ్రామ పెద్దలు, ఉపాధ్యాయులు బి. సత్యనారాయణ, కె. వీరభద్ర రావు, కన్యాకుమారి, కె. గౌతమి మరియు విద్యార్థులు పెద్ద సంఖ్యలో పాల్గొన్నారు. "ప్రభుత్వ బడి - మా నమ్మకం" అంటూ విద్యార్థులు చేసిన నినాదాలు గ్రామంలో విద్యా చైతన్యాన్ని నింపాయి.