అనకాపల్లి:
స్థానిక వాహనదారుల్లో ట్రాఫిక్ నియమాలపై అవగాహన కల్పించేందుకు అనకాపల్లి పోలీసులు వినూత్న కార్యక్రమాన్ని చేపట్టారు. జిల్లా ఎస్పీ శ్రీ తుహిన్ సిన్హా మరియు SDPO ఎం. శ్రావణి ఆదేశాల మేరకు, ట్రాఫిక్ ఇన్స్పెక్టర్ ఎం. వెంకట నారాయణ ఆధ్వర్యంలో పట్టణంలోని ముఖ్య కూడళ్ల వద్ద ఈ అవగాహన సదస్సు నిర్వహించారు.
ఈ సందర్భంగా పోలీసులు వాహనదారులకు పలు కీలక సూచనలు చేశారు:
- హెల్మెట్ తప్పనిసరి: ద్విచక్ర వాహనదారులు ప్రాణ రక్షణ కోసం ఖచ్చితంగా హెల్మెట్ ధరించాలి.
- మద్యం సేవించి వాహనం నడపరాదు: డ్రంక్ అండ్ డ్రైవ్ చేస్తూ పట్టుబడితే రూ. 10,000 జరిమానా లేదా జైలు శిక్ష తప్పదని హెచ్చరించారు.
- లైసెన్స్ నిబంధన: ప్రతి వాహనదారుడు డ్రైవింగ్ లైసెన్స్ కలిగి ఉండాలని, లైసెన్స్ లేని వారికి వాహనాలు ఇవ్వకూడదని సూచించారు.
- రోడ్డు భద్రత: ముఖ్యంగా రోడ్డు క్రాస్ చేసే సమయంలో అప్రమత్తంగా ఉండాలని, ఆగి చూసి వెళ్లడం ద్వారా ప్రమాదాలను నివారించవచ్చని తెలిపారు.
ఈ కార్యక్రమంలో సబ్ ఇన్స్పెక్టర్లు శేఖరం, శేషగిరి రావు, ఆర్జునరావు, సత్యన్నారాయణ మరియు ఇతర సిబ్బంది పాల్గొన్నారు. ట్రాఫిక్ నియమాలను పాటిస్తూ ప్రతి ఒక్కరూ సురక్షితంగా తమ గమ్యస్థానాలకు చేరుకోవాలని పోలీసులు ప్రజలను కోరారు.
