యలమంచిలి : మండలంలోని తులసి నగర్ గర్ల్స్ హైస్కూల్లో ఆదర్శ శిశు, గ్రోత్ కార్యక్రమంలో భాగంగా అంగన్వాడీ కార్యకర్తలకు రెండవ విడత రెండు రోజుల శిక్షణ కార్యక్రమాన్ని నిర్వహించారు. ఈ కార్యక్రమానికి యలమంచిలి సి.డి.పి.ఓ. కె. ఇందిరాదేవి ప్రారంభించారు. ఈ శిక్షణా కార్యక్రమానికి ఇఓ రమ్య, సూపర్వైజర్ అపరంజిని ఫెసిలిటేటర్లుగా వ్యవహరించి సిబ్బందికి దిశానిర్దేశం చేశారు. ఈ రెండు రోజుల శిక్షణలో భాగంగా.. నవచేతన, ఆదర్శ శిశు, గ్రోత్ మానిటరింగ్ (పిల్లల ఎదుగుదల పర్యవేక్షణ), నవచేతన స్క్రీనింగ్తో పాటు అంగన్వాడీ కేంద్రాలకు సంబంధించిన జియో ట్యాగింగ్, ఎఫ్.ఆర్.ఎస్., తదితర కీలక అంశాలపై అంగన్వాడీ కార్యకర్తలకు సమగ్ర శిక్షణ అందించారు.