వాకర్స్ వెల్ఫేర్ అసోసియేషన్ ఆధ్వర్యంలో గాంధీ మహాత్మునికి నివాళి ..
02/October/2026 18:42
Share:
ఎలమంచిలి పూజ్య బాపూజీ గాంధీ మహాత్ముని 157 వ జయంతి సందర్భంగా ఎలమంచిలి వాకర్స్ వెల్ఫేర్ అసోసియేషన్ ఆధ్వర్యంలో ఎలమంచిలి స్టేషన్ రోడ్ లో గల గాంధీ విగ్రహానికి అధ్యక్షుడు ఆడారి పూరి జగన్నాథం, ఉపాధ్యక్షుడు మడుగుల సూర్య సత్యనారాయణ పూలమాలలు వేసి నివాళులు అర్పించారు. ఈ సందర్భంగా పూరీ జగన్నాథం మాట్లాడుతూ హింస మార్గాన్ని విడనాడి అహింస దోరణిలో ఉద్యమాన్ని నడిపి దేశానికి స్వాతంత్రం తీసుకురావడంలో గాంధీజీ ఎంతో కృషి చేశారని వారి సేవలను కొనియాడారు. ఈ కార్యక్రమానికి ఎలమంచిలి వర్తక సంఘం అధ్యక్షులు లింగంపల్లి శ్రీనివాసరావు ఆడారి చిన్న, తెలంగాణలో పనిచేస్తున్న అసిస్టెంట్ కమిషనర్ ఆఫ్ పోలీస్ శంకర్ యాదవ్,ఏ సన్యాసి బాబు, ఎలమంచిలి అప్పారావు, ఎలమంచిలి గ్రంథాలయ అధికారి వి.ఆనంద్ మరియు ఇతర వాకింగ్ సభ్యులు పాల్గొన్నారు.