అర్చకుల సమస్యలపై విస్తృత స్థాయి సమావేశం..

అర్చకుల సమస్యలపై విస్తృత స్థాయి సమావేశం..

06/October/2026 19:23    Share:   

యలమంచిలి:

యలమంచిలి: కొమ్మాయి గుండం వద్ద గల శ్రీ ఆంజనేయ స్వామి ఆలయంలో ఈ రోజు అర్చకులు ఎదుర్కొంటున్న సమస్యలు, వారి హక్కుల సాధన లక్ష్యంగా ఒక కీలక సమావేశం జరిగింది. కాళ్ళకూరి కామేశ్వర శర్మ ఆధ్వర్యంలో ఏర్పాటు చేసిన ఈ కార్యక్రమానికి వివిధ ప్రాంతాల నుంచి సుమారు 60 మందికి పైగా అర్చకులు, సభ్యులు హాజరయ్యారు. వేదికపై వెలవలపల్లి మృత్యుంజయ శర్మ, సుదర్శనం నారాయణాచార్యులు, నేతేటి గోపాల ఆచార్యులు, రాచకొండ శ్రీనివాస శర్మ తదితరులు ఆసీనులై, అర్చక సమాజం తరఫున తమ వాణిని వినిపించారు.
ఈ సమావేశంలో ప్రధానంగా అర్చకులు దైనందిన జీవితంలో, వృత్తిపరంగా ఎదుర్కొంటున్న అనేక ఇబ్బందుల గురించి ప్రతినిధులు కూలంకషంగా చర్చించారు. తరతరాలుగా దేవాలయాల్లో స్వామివారి సేవలు అందిస్తున్న వంశపారంపర్య అర్చకుల బాగోగులు, వారి చట్టబద్ధమైన హక్కులను కాపాడుకోవాల్సిన ఆవశ్యకతపై సుదీర్ఘ చర్చ జరిగింది. భవిష్యత్తులో వారికి వృత్తిపరంగా ఎలాంటి ఇబ్బందులు రాకుండా భద్రత కల్పించాల్సిన బాధ్యత అందరిపై ఉందని వక్తలు అభిప్రాయపడ్డారు. అలాగే, విధి నిర్వహణలో ఉన్న ప్రతి అర్చకుడికి వృత్తిపరమైన గుర్తింపు ఎంతో అవసరమని, వారందరికీ తక్షణమే అధికారిక గుర్తింపు కార్డులు మంజూరు చేసేలా దేవాదాయ శాఖపై ఒత్తిడి తీసుకురావాలని ఏకగ్రీవంగా తీర్మానించారు.దీనితో పాటుగా పబ్లికేషన్ పరిధిలో ఉన్న అనేక దేవాలయాల్లో అర్చకులకు కనీస వేతనాలు కూడా అందడం లేదనే తీవ్ర ఆవేదన ఈ సందర్భంగా వ్యక్తమైంది. ఆయా ఆలయాల అర్చకులకు దేవాదాయ శాఖ నిధులు లేదా వెల్ఫేర్ ఫండ్ ద్వారా ప్రతినెలా క్రమం తప్పకుండా గౌరవప్రదమైన జీతాలు చెల్లించేలా తగిన చర్యలు తీసుకోవాలని ప్రభుత్వాన్ని కోరారు. అలాగే, ఒకే ఆలయంలో ఇద్దరు లేదా అంతకంటే ఎక్కువ మంది వంశపారంపర్య అర్చకులు ఉమ్మడిగా విధులు నిర్వహిస్తున్నప్పుడు ఎదురవుతున్న క్షేత్రస్థాయి ఇబ్బందులను పలువురు ప్రస్తావించారు. అర్చక సమాజం ఎదుర్కొంటున్న ఈ కీలక సమస్యలన్నింటినీ సమగ్రంగా ఒక నివేదిక రూపంలో తయారు చేసి, సంబంధిత అధికారుల దృష్టికి తీసుకెళ్లాలని సమావేశం తీర్మానించింది. ఈ కార్యక్రమంలో యలమంచిలి ,కశింకోట మండలాల అర్చక స్వాములు పాల్గొన్నారు.
Breaking News

Subscribe our Newsletter