లబ్ధిదారుల చెంతకే సంక్షేమ ఫలాలు గర్భం గ్రామంలో ఎన్టీఆర్ భరోసా పెన్షన్ల పంపిణీ

లబ్ధిదారుల చెంతకే సంక్షేమ ఫలాలు గర్భం గ్రామంలో ఎన్టీఆర్ భరోసా పెన్షన్ల పంపిణీ

01/October/2026 19:53    Share:   

మెరకముడిదాం, అక్టోబర్ 1:
అర్హులైన లబ్ధిదారులకు సంక్షేమ ఫలాలు నేరుగా అందేలా ప్రభుత్వం చర్యలు తీసుకుంటోందని విజయనగరం జిల్లా కలెక్టర్ రామ్ సుందర్ రెడ్డి తెలిపారు. మెరకముడిదాం మండలం గర్భం గ్రామంలో గురువారం నిర్వహించిన ఎన్టీఆర్ భరోసా సామాజిక భద్రతా పెన్షన్ల పంపిణీ కార్యక్రమంలో జిల్లా కలెక్టర్ రామ్ సుందర్ రెడ్డి, టీడీపీ రాష్ట్ర కార్యవర్గ కార్యదర్శి కిమిడి రామ్ మల్లిక్ నాయుడు పాల్గొన్నారు.ఈ సందర్భంగా వృద్ధులు, వితంతువులు, దివ్యాంగులు, ఇతర అర్హులైన లబ్ధిదారులకు ఎన్టీఆర్ భరోసా పెన్షన్ మొత్తాలను స్వయంగా అందజేశారు. లబ్ధిదారులతో మాట్లాడి వారి యోగక్షేమాలను అడిగి తెలుసుకున్నారు. పెన్షన్లు సకాలంలో అందుతున్నాయా, ఏమైనా సమస్యలు ఎదురవుతున్నాయా అనే విషయాలను తెలుసుకున్నారు.సంక్షేమ పథకాలపై ప్రత్యేక దృష్టి అర్హత ఉన్న ప్రతి లబ్ధిదారుడికి ప్రభుత్వ సంక్షేమ పథకాల ప్రయోజనాలు చేరేలా అధికారులు చర్యలు తీసుకోవాలని కలెక్టర్ సూచించారు. సామాజిక భద్రతా పెన్షన్లు వృద్ధులు, వితంతువులు, దివ్యాంగులు తదితర వర్గాలకు ఆర్థిక భరోసాను కల్పిస్తున్నాయని పేర్కొన్నారు.టీడీపీ రాష్ట్ర కార్యవర్గ కార్యదర్శి కిమిడి రామ్ మల్లిక్ నాయుడు మాట్లాడుతూ పేద, బలహీన వర్గాల సంక్షేమానికి ప్రభుత్వం ప్రాధాన్యత ఇస్తోందన్నారు. అర్హులైన ప్రతి ఒక్కరికీ సంక్షేమ పథకాలు అందేలా ప్రజాప్రతినిధులు, అధికారులు సమన్వయంతో పనిచేయాలని సూచించారు.
 
Breaking News

Subscribe our Newsletter