అనకాపల్లి (ఎ.కోడూరు), ఆగస్టు 21:
కె.కోటపాడు మండలం, ఎ.కోడూరు గ్రామంలో ఉదయం "స్వర్ణాంధ్ర - స్వచ్ఛ ఆంధ్ర" కార్యక్రమానికి ఆంధ్రప్రదేశ్ రాష్ట్ర గౌరవ ముఖ్యమంత్రివర్యులు శ్రీ నారా చంద్రబాబు నాయుడు గారు విచ్చేస్తున్నారని జిల్లా ఎస్పీ శ్రీ తుహిన్ సిన్హా, ఐపీఎస్ గారు తెలిపారు. ఈ సందర్బంగా ప్రజలు, వాహనదారులు, మరియు కార్యక్రమానికి వచ్చే కార్యకర్తలకు ఎలాంటి అసౌకర్యం కలగకుండా పోలీసు శాఖ ఆధ్వర్యంలో విస్తృతమైన ట్రాఫిక్ డైవర్షన్లు మరియు పార్కింగ్ ఏర్పాట్లు చేసినట్లు పేర్కొన్నారు.
ఆగస్టు 22, 2026 ఉదయం 7:00 గంటల నుండి ఎ.కోడూరు మీదుగా ఎటువంటి వాహనాల రాకపోకలను అనుమతించబోరని స్పష్టం చేశారు.
ట్రాఫిక్ మళ్లింపులు (డైవర్షన్లు):
పినగాడి నుండి దేవరాపల్లి: వెళ్లే భారీ వాహనాలు కొత్తవలస మీదుగా వెళ్ళాలి.దేవరాపల్లి నుండి విశాఖపట్నం: వెళ్లే వాహనాలు కొత్తవలస మీదుగా పయనించాలి.దేవరాపల్లి నుండి అనకాపల్లి, చోడవరం: వెళ్లే వాహనాలు లంకవానిపాలెం, పిండ్రంగి, దాలివలస, రామచంద్రాపురం, కె. కోటపాడు మీదుగా వెళ్ళాలి.
వెంకన్నపాలెం నుండి దేవరాపల్లి: వెళ్లే వాహనాలు చౌడువాడ నుండి పాచిలవానిపాలెం మీదుగా వెళ్ళవలసిందిగా కోరడమైనది.కార్యక్రమానికి వచ్చేవారి కోసం పార్కింగ్ ఏర్పాట్లు:
"స్వర్ణాంధ్ర - స్వచ్ఛ ఆంధ్ర" కార్యక్రమానికి వివిధ ప్రాంతాల నుండి విచ్చేసే ప్రజలు, కార్యకర్తలు మరియు ప్రజాప్రతినిధుల వాహనాల కోసం ప్రత్యేక పార్కింగ్ స్థలాలను కేటాయించారు.
వి.మాడుగుల, చౌడువాడ, గొండుపాలెం, రొంగలినాయుడుపాలెం, పైడంపేట, పాసిలవాణిపాలెం, అలాగే సూదివలస, చంద్రయ్యపేట, కె.సంతపాలెం, కె.కోటపాడు, గొట్లం, పాతవలస గ్రామాల నుండి వచ్చే వారు చోడవరం లేదా కె.కోటపాడు రావాలమ్మ తల్లి గుడి, మెడీచర్ల మీదుగా వచ్చి సూరెడ్డిపాలెం వద్ద ఉన్న లేఅవుట్ లో తమ వాహనాలను పార్క్ చేసుకోవాలి.
చీడికాడ మరియు దేవరాపల్లి మండలాల నుండి వచ్చే వారు తురువోలు, ఆలమండ లేదా ఆనందపురం మార్గాల్లో వచ్చి ఎ.కోడూరులోని రంగరాయ చెరువు వద్ద కేటాయించిన స్థలంలో పార్కింగ్ చేయాల్సి ఉంటుంది.
లంకవానిపాలెం, కొరువాడ, ఆనందపురం, వి.సంతపాలెం, డి.అగ్రహారం, వారడ గ్రామాల ప్రజలు ఎ.కోడూరులోని గంగరాజు చెరువు వద్ద, దాలివలస, సింగన్నదొరపాలెం వాసులు సూరెడ్డిపాలెం గ్రామంలోని సా మిల్ (Saw Mill) వద్ద వాహనాలు నిలుపుకోవాలి.
మర్రివలస, శృంగవరం, పిండ్రంగి, గవరపాలెం, K.J.పురం, కొత్త అగ్రహారం గ్రామాల నుండి వచ్చే వారు ఎ.కోడూరు గవర్నమెంట్ హాస్టల్ ఎదురుగా ఉన్న గాయత్రి స్కూల్ ఆవరణలో పార్కింగ్ చేసుకోవాలని అధికారులు సూచించారు.ప్రజలందరూ ఈ ట్రాఫిక్ సూచనలను గమనించి, పోలీసు శాఖకు సంపూర్ణ సహకారం అందించాలని జిల్లా ఎస్పీ శ్రీ తుహిన్ సిన్హా, ఐపీఎస్ కోరారు.
