ఏలూరు డిగ్రీ కాలేజీ వద్ద శ్రీ పవన్ కళ్యాణ్ గారి చిత్రపటానికి పాలాభిషేకం చేసిన రెడ్డి అప్పలనాయుడు, నారాశేషు, పలువురు విద్యార్థి సంఘాలు నాయకులు..
- కొండల ప్రసాద్ CA న్యూస్ ఇంచార్జి,ఏలూరు,
ఇచ్చిన మాటను నిలబెట్టుకోవడంలో మరోసారి తన ఉనికిని రాష్ట్ర ఉప ముఖ్యమంత్రి, జనసేన అధినేత శ్రీ పవన్ కళ్యాణ్ గారు చాటుకున్నారని ఏపీఎస్ ఆర్టీసీ విజయవాడ జోనల్ చైర్మన్, ఏలూరు నియోజకవర్గం జనసేన పార్టీ ఇంచార్జి రెడ్డి అప్పలనాయుడు హర్షం వ్యక్తం చేశారు. శ్రీ పవన్ కళ్యాణ్ గారి చొరవతో ఏలూరు ప్రభుత్వ డిగ్రీ కళాశాలలో ఎన్నో ఏళ్లుగా కొనసాగుతున్న ప్రభుత్వ డిగ్రీ కళాశాల తరగతి గదుల కొరతకు కీలక అడుగు పడిందన్నారు. ఏలూరు ప్రభుత్వ డిగ్రీ కళాశాల నిర్మాణం కొరకు ప్రభుత్వం 12.60 కోట్లు మంజూరు చేసిన శుభ సందర్భంలో గురువారం కోటదిబ్బ వద్ద ఉన్న ఏలూరు ప్రభుత్వ డిగ్రీ కళాశాల వద్ద శ్రీ పవన్ కళ్యాణ్ గారి చిత్రపటానికి పలువురు విద్యార్థి సంఘాల నాయకులు, డిగ్రీ కాలేజీ విద్యార్థులు, జనసేన నాయకులు, స్థానికులతో కలిసి ఆయన పాలాభిషేకం చేశారు. ఈ సందర్భంగా రెడ్డి అప్పలనాయుడు మీడియా సమావేశంలో మాట్లాడారు. ఏలూరుకీ సుదీర్ఘకాలంగా డిగ్రీ కాలేజీ రాకుండా అనేక కార్పొరేట్ సంస్థలు అడ్డుకొని, పేద బలహీన వర్గాలకి విద్యను దూరం చేసే విధంగా ప్రయత్నాలు జరుగుతున్న తరుణంలో, 2008లో వైఎస్ రాజశేఖరరెడ్డి ప్రభుత్వ హయాంలో ఏలూరుకీ డిగ్రీ కాలేజీ శాంక్షన్ అయినప్పటికీ అనేక రకాల అడ్డంకులు, ఒడిదుడుకులు, గవర్నమెంట్ కాలేజీ కి స్థలం కేటాయించకపోవడం, ఇది కచ్చితంగా అప్పటి ప్రజాప్రతినిధుల నిర్లక్ష్యమే అని అన్నారు. 2021 లో ఇదే సమస్యపై విద్యార్థి సంఘాల ఆధ్వర్యంలో విద్యార్థి సంఘాలు, పిడిఎస్, ఇతర సంఘాలు అందరూ కలిసి నిరాహార దీక్షలు, పలు ఉద్యమాలు చేయడం జరిగింది. అప్పటి ప్రభుత్వాన్ని పదేపదే కలుసుకొని నిధులు కేటాయించాలని కోరడం జరిగేది. ఇన్ని చేసినప్పటికి ఇది సమస్యగానే ఉండిపోయింది. 2021లో గత వైసిపి ప్రభుత్వ హయాంలో ప్రతిపక్ష నాయకుడిగా రాష్ట్ర వ్యాప్తంగా నిర్వహించిన జనసేన జనవాణి, వారాహి యాత్ర సందర్భంగా ఏలూరుకు ఉన్న ప్రధాన సమస్య ఏమిటని అడగ్గా వారికి ప్రధానంగా జూట్ మిల్లు సమస్య, ఏలూరు డిగ్రీ కళాశాల సమస్య పవన్ కళ్యాణ్ గారి దృష్టికి తీసుకెళ్ళడం జరిగింది.. జూట్ మిల్లు వల్ల చాలామంది కార్మికులు రోడ్డున పడ్డారు. చెట్ల కింద పాఠాలు చెబుతున్న దైన్య స్థితిపై నాడు పవన్ కళ్యాణ్ గారు గళం విప్పారు. అలాగే దృష్టి లోపాలు ఉన్న విద్యార్థులు పడుతున్న అవస్థలు విని చలించారు. అధికారం చేపట్టిన తర్వాత సమస్యకు శాశ్వత పరిష్కారం చూపుతానని విద్యార్థి సంఘాలకు మాటిచ్చారన్నారు.. ప్రజా సమస్యలపై శ్రధ్ధ, సమస్యలకు పరిష్కారం చూపడంలో పవన్ కళ్యాణ్ గారిది ప్రత్యేక శైలి అని కొనియాడారు.. ఇచ్చిన మాటను నిలుపుకుంటూ ఏలూరు ప్రభుత్వ డిగ్రీ కళాశాల శాశ్వత భవన నిర్మాణానికి రూ 12.60 కోట్లు నిధులు మంజూరు చేయించారు.. శ్రీ పవన్ కళ్యాణ్ గారి చొరవ ఉనికిని కోల్పోతున్న ఉన్నత విద్యాలయానికి కొత్త ఊపిరి ఇచ్చిందన్నారు.. ఈ సందర్భంలో ఏలూరు ప్రభుత్వ డిగ్రీ కళాశాలకీ నిధులు మంజూరు చేసిన రాష్ట్ర ముఖ్యమంత్రి శ్రీ నారా చంద్రబాబు నాయుడు గారికి, ఉపముఖ్యమంత్రి శ్రీ పవన్ కళ్యాణ్ గారికి, విద్యాశాఖ మంత్రి శ్రీ నారా లోకేష్ గారికి ఏలూరు నియోజకవర్గం జనసేన పార్టీ తరఫున కృతజ్ఞతలు, ధన్యవాదాలు తెలిపారు. సీనియర్ నాయకులు నారా శేషు, శిరిపల్లి ప్రసాద్ మాట్లాడుతూ ఏలూరు డిగ్రీ కాలేజీకి నిధులు మంజూరు చేసిన పవన్ కళ్యాణ్ గారికి కూటమి తరఫున ధన్యవాదాలు తెలిపారు. ఈ సందర్భంగా విద్యార్థులు శ్రీ పవన్ కళ్యాణ్ గారి చిత్రపటానికి పాలాభిషేకం నిర్వహించి, డిగ్రీ కళాశాలకు శాశ్వత భవనాల నిర్మాణం కోసం ఆయన చేసిన కృషిని కొనియాడారు. ఈ సహాయాన్ని తాము ఎప్పటికీ మరువబోమని, విద్యార్థుల భవిష్యత్తు కోసం ఆయన చూపిన చొరవకు హృదయపూర్వక కృతజ్ఞతలు తెలియజేశారు.. విద్యార్థి సంఘాల నాయకులు మాట్లాడుతూ 2021 లో మేము నిరాహార దీక్ష చేస్తున్న సమయంలో మాకు రెడ్డి అప్పలనాయుడు గారు అన్ని రకాలుగా సహాయ సహకారాలు అందించారు.. మాతో కలిసి నిరాహార దీక్షలో పాల్గొన్నారు. ముందుగా వారికి ధన్యవాదాలు.. 2021 లో పవన్ కళ్యాణ్ గారికి జనసేన జనవాణి కార్యక్రమం లో ఈ సమస్య వివరించగానే తాను అధికారంలోకి వచ్చిన వెంటనే ఈ సమస్యకు పరిష్కారం చూపుతానని మాట ఇచ్చారు.. ఈరోజున ఏలూరు డిగ్రీ కళాశాలకు నిధులు మంజూరైన సందర్భంలో డిప్యూటీ సీఎం పవన్ కళ్యాణ్ గారికి ధన్యవాదాలు తెలిపారు.. ఈ కార్యక్రమం లో కాలేజీ ప్రిన్సిపాల్ శ్రీనివాసులు గారు, మాజీ డిప్యూటీ మేయర్ శిరిపల్లి శివరామకృష్ణ ప్రసాద్ గారు, రాష్ట్ర చేనేత కార్యదర్శి దోనేపూడి లోవరాజు, కమ్మ కార్పోరేషన్ డైరెక్టర్ కావూరి వాణిశ్రీ, జిల్లా లీగల్ సెల్ అధ్యక్షులు నిమ్మల జ్యోతి కుమార్, జిల్లా కార్యదర్శి కస్తూరి సాయి తేజస్విని, జిల్లా సంయుక్త కార్యదర్శి ఓబిలిశెట్టి శ్రావణ్ గుప్తా, నగర అధ్యక్షులు వీరంకి పండు, గౌరవ అధ్యక్షులు నగిరెడ్డి కాశీ నరేష్, కార్పోరేటర్లు పొలిమేర దాసు, కోయ సత్తిబాబు, పలువురు విద్యార్థి సంఘాల నాయకులు, కాలేజీ విద్యార్థులు, మరియు భారీ సంఖ్యలో జనసేన పార్టీ నాయకులు, కార్యకర్తలు, వీర మహిళలు, జనసైనికులు, మెగా అభిమానులు పాల్గొన్నారు..
