#ఎలమంచిలిలో వైఎస్ఆర్ పార్టీ సమావేశం,
ఎలమంచిలి, ఆగస్టు 2: ఎలమంచిలి నియోజకవర్గం సమన్వయకర్త కరణం ధర్మశ్రీ యువత భవితకు ఆదర్శమని అన్నారు. ఈ మేరకు ఆదివారం ఎలమంచిలి పార్టీ కార్యాలయంలో విద్యార్థి, యువజన, సోషల్ మీడియా కార్యకర్తలతో ఆయన సమావేశం నిర్వహించారు.ఈ సందర్భంగా ధర్మశ్రీ మాట్లాడుతూ, నిరుద్యోగులకు నిరుద్యోగ భృతి కింద నెలకు రూ.3,000 చెల్లించాలని డిమాండ్ చేశారు. విద్యార్థులకు ఫీజు రీయింబర్స్మెంట్ అందజేయకపోవడంతో విద్యార్థి తల్లిదండ్రులు తీవ్ర ఇబ్బందులు ఎదుర్కొంటున్నారని ఆవేదన వ్యక్తం చేశారు.
కేంద్ర మంత్రి రాజీనామా ప్రస్తావన:
నీట్ పరీక్షలో అవకతవకలు జరగడంతో నైతిక బాధ్యత తీసుకొని కేంద్రమంత్రి రాజీనామా చేశారన్నారు. ఆంధ్రప్రదేశ్లో మెగా డీఎస్సీ అవినీతిమయం కావడంతో నైతిక బాధ్యత వహిస్తూ విద్యాశాఖ మంత్రి నారా లోకేష్ వెంటనే రాజీనామా చేయాలని డిమాండ్ చేశారు.
ప్రభుత్వ హామీలను ప్రశ్నించిన ధర్మశ్రీ:
ప్రభుత్వం ప్రజల పట్ల మోసపూరితమైన హామీలను మేనిఫెస్టోలో పొందుపరిచి ప్రజలను మభ్యపెట్టి గెలిచారని ఆరోపించారు. ప్రజా సమస్యలు, ప్రభుత్వ హామీలపై సోషల్ మీడియా కార్యకర్తలు ఉద్యమించాలని సూచించారు.
ఈ కార్యక్రమంలో రాష్ట్ర వైఎస్ఆర్ పార్టీ ఎగ్జిక్యూటివ్ కౌన్సిల్ సభ్యుడు బోదేపు గోవిందు, రాష్ట్ర వైఎస్ఆర్ పార్టీ సంయుక్త కార్యదర్శి బొద్దపు ఎర్రయ్య దొర, ఎలమంచిలి పట్టణ యూత్ అధ్యక్షుడు దాసరి గణేష్, రూరల్ పార్టీ యూత్ అధ్యక్షుడు దంతులూరి సంతోష్ వర్మ, మండల పార్టీ అధ్యక్షులు కొల్లి త్రినాథ్, కిషోర్ రాజు, జడ్పీటీసీలు సేనాపతి సంధ్యారాం, నార్మల కుమార్, ధూళి నాగరాజు, ఎంపీపీ శిరీష శీను బాబు తదితరులు పాల్గొన్నారు. నాలుగు మండలాల యూత్ అధ్యక్షులు, నాయకులు, కార్యకర్తలు కార్యక్రమంలో పాల్గొన్నారు.
