ఏలూరు రెవెన్యూ భవనంలో జూన్ 20న “రెవెన్యూ డే” కార్యక్రమాన్ని ఏ.పి. రెవెన్యూ సర్వీసెస్ అసోసియేషన్ జిల్లా అధ్యక్షులు శ్రీ కె. రమేష్ కుమార్ ఆధ్వర్యంలో ఘనంగా నిర్వహించారు.
జిల్లా అధ్యక్షులు రమేష్ కుమార్ మాట్లాడుతూ 1786 జూన్ 20న ఈస్ట్ ఇండియా పాలకులు రెవెన్యూ బోర్డు ఏర్పాటు చేశారని, ఆంధ్రప్రదేశ్ ప్రభుత్వ ఉత్తర్వుల ప్రకారం ప్రతి సంవత్సరం ఈ రోజును “రెవెన్యూ డే”గా జరుపుకుంటున్నామని తెలిపారు. రెవెన్యూ శాఖ అన్ని శాఖలకు తల్లి వంటి గొప్పతనాన్ని కలిగి ఉందని, ప్రజలకు విశిష్ట సేవలను అందిస్తున్నదని ఆయన పేర్కొన్నారు.
జిల్లా సెక్రటరీ ఏ. ప్రమోద్ కుమార్ మాట్లాడుతూ ప్రజలకు సమర్ధవంతమైన సేవలను అందించడంలో రెవెన్యూ ఉద్యోగులు రాత్రింబగళ్లు శ్రమిస్తున్నారని తెలిపారు. ఈ సందర్భంగా రిటైర్డ్ ఉద్యోగులను సన్మానించారు. సన్మానగ్రహితులు: వి.వి. జగన్ మోహన్ రావు, మెట్టు రామ్ మోహన్ రావు, సోమశేఖర్ రావు, ఎం.ఎచ్. మణి, టి. మైఖేల్ రాజు, ఏ.పి. దుర్గా రావు, ఏ.వి. రామాంజనేయులు, జి.వి. సుబ్బారావు, ఎం. రాజశేఖర్, రామకృష్ణ, బి. రామారావు, వై. అమిన్సిలా.ఈ కార్యక్రమంలో రవిచంద్ర రావు (జిల్లా వైస్ ప్రెసిడెంట్), కృష్ణ స్వామి (ఏలూరు డివిజన్ ప్రెసిడెంట్), మాధవి (జిల్లా వైస్ ప్రెసిడెంట్), పి. నాజీమ బేగం (జిల్లా జాయింట్ సెక్రటరీ), ASKV అప్పారావు (ఏలూరు డివిజన్ సెక్రటరీ)తో పాటు జిల్లాలోని రెవెన్యూ ఉద్యోగులు, రిటైర్డ్ ఉద్యోగులు పాల్గొన్నారు.
