మోసయ్యపేటలో ఉన్న అల్లూరి సీతారామరాజు విగ్రహానికి ఉపాధ్యాయులు ధోని నూకరాజు పూలమాల వేసి నివాళులు అర్పించారు.
ఈ సందర్భంగా సిఐటియు జిల్లా కార్యదర్శి ఆర్. రాము, కన్వీనర్ కె. నాయుడు మాట్లాడుతూ –
బ్రిటిష్ పాలకులను గడగడలాడించి స్వాతంత్ర పోరాటంలో ప్రాణత్యాగం చేసిన అల్లూరి సీతారామరాజు నేటి యువతకు స్ఫూర్తి అని పేర్కొన్నారు.
అల్లూరి బాటలో యువత ఐక్యమై “విద్య, ఉపాధి, ఆరోగ్యం అందరి హక్కు” అనే నినాదంతో ముందుండి పోరాడాలని పిలుపునిచ్చారు.
నేటి పాలకులు అవలంబిస్తున్న విధానాల వలన రాజ్యాంగ హక్కులు, కార్మిక హక్కులు హరించబడుతున్నాయని, బహుళజాతి సంస్థలకు ప్రజల శ్రమను ప్రైవేట్ పెట్టుబడిదారులకు దోచిపెడుతున్నారని విమర్శించారు.
అల్లూరి స్ఫూర్తితో రాజ్యాంగాన్ని, కార్మిక హక్కులను కాపాడుకోవడానికి మరో స్వతంత్ర పోరాటానికి సిద్ధం కావాలని పిలుపునిచ్చారు.
ఈ కార్యక్రమంలో యూత్ నాయకులు మెరుగు రాజేష్, దుర్గాప్రసాద్, ఆడారి సునీల్ కుమార్, పూడి బాల గణేష్, మహిళలు సత్యవతి, వెంకటలక్ష్మి, పట్నాల సూరిబాబు తదితరులు పాల్గొన్నారు.
