స్కేటింగ్ పోటీల్లో కైట్స్ విద్యా విహార్ విద్యార్థుల ఘనత: పతకాల పంట పండించిన చిన్నారులు

అచ్చుతాపురం:
విశాఖపట్నంలోని సిల్వర్ ఓక్స్ సిల్వర్ వాకర్స్ కేంద్రీయ విద్యాలయం ఇంటర్నేషనల్ స్కూల్ వేదికగా శనివారం నిర్వహించిన స్కేటింగ్ పోటీల్లో అచ్చుతాపురం కైట్స్ విద్యా విహార్ స్కూల్ విద్యార్థులు అద్భుత ప్రతిభ కనబరిచారు. హోరాహోరీగా సాగిన ఈ పోటీల్లో తమ నైపుణ్యంతో ఆణిముత్యాల్లా మెరిసిన విద్యార్థులు పలు పతకాలను కైవసం చేసుకుని పాఠశాలకు గౌరవాన్ని తీసుకువచ్చారు

ఈ సందర్భంగా స్కూల్ కరస్పాండెంట్ రెడ్డి గణేష్ విజేతలను ప్రత్యేకంగా అభినందించారు. విద్యార్థులు చదువుతో పాటు క్రీడల్లోనూ రాణించడం గర్వకారణమని ఆయన పేర్కొన్నారు. భవిష్యత్తులో వీరు మరిన్ని విజయాలు సాధించి ఉన్నత శిఖరాలను అధిరోహించాలని ఆయన ఆకాంక్షించారు. ఈ విజయం పట్ల పాఠశాల ఉపాధ్యాయులు మరియు తల్లిదండ్రులు హర్షం వ్యక్తం చేస్తున్నారు