తగరంపూడిలో గుడివాడ గురునాథరావు విగ్రహం ధ్వంసం: వైఎస్సార్‌సీపీ శ్రేణుల భారీ నిరసన

అనకాపల్లి:
క్రైమ్ అనాలసిస్:A. Srinivasa Rao,జిల్లా ఇన్చార్జి,
అనకాపల్లి మండలం తగరంపూడి గ్రామంలో దివంగత నేత గుడివాడ గురునాథరావు విగ్రహాన్ని గుర్తుతెలియని వ్యక్తులు ధ్వంసం చేసిన ఘటన స్థానికంగా తీవ్ర కలకలం రేపింది. ఈ దుశ్చర్యను నిరసిస్తూ వైఎస్సార్ కాంగ్రెస్ పార్టీ శ్రేణులు, మాజీ మంత్రి గుడివాడ అమర్‌నాథ్ అభిమానులు గురువారం తగరంపూడిలో భారీ ఎత్తున ఆందోళన చేపట్టారు.

ప్రభుత్వ ప్రోద్బలంతోనే దాడులు: వైసీపీ నేతల ధ్వజం
ఈ సందర్భంగా పార్టీ ముఖ్య నేతలు మాట్లాడుతూ.. ప్రస్తుత కూటమి ప్రభుత్వ ప్రోద్బలంతోనే ఇటువంటి కీచక చర్యలు జరుగుతున్నాయని మండిపడ్డారు. రాజకీయ కక్ష సాధింపులో భాగంగానే విగ్రహాలను ధ్వంసం చేస్తున్నారని, శాంతిభద్రతలు పూర్తిగా క్షీణించాయని ఆరోపించారు. తక్షణమే నిందితులను గుర్తించి కఠినంగా శిక్షించాలని వారు డిమాండ్ చేశారు.ఈ భారీ నిరసన కార్యక్రమంలో ఉమ్మడి విశాఖ జిల్లాకు చెందిన పలువురు మాజీ మంత్రులు మరియు సమన్వయకర్తలు పాల్గొని సంఘీభావం తెలిపారు:

వీరితో పాటు పెద్ద సంఖ్యలో పార్టీ కార్యకర్తలు, అభిమానులు పాల్గొని ప్రభుత్వ వ్యతిరేక నినాదాలతో హోరెత్తించారు. దోషులను అరెస్టు చేసే వరకు తమ పోరాటం ఆపబోమని పార్టీ శ్రేణులు స్పష్టం చేశాయి.