తగరంపూడి గ్రామంలో మాజీ మంత్రి గుడివాడ గురునాధరావు గారి విగ్రహం ధ్వంసం కేసులో ముగ్గురు నిందితుల గుర్తింపు.

అనకాపల్లి మండలం, తగరంపూడి గ్రామంలో చోటుచేసుకున్న మాజీ మంత్రి దివంగత నేత శ్రీ గుడివాడ గురునాధరావు గారి విగ్రహం ధ్వంసం ఘటనపై అనకాపల్లి రూరల్ పోలీసులు వేగంగా స్పందించి దర్యాప్తు చేపట్టారు. ఈ కేసు వివరాలు ఈ క్రింది విధంగా ఉన్నాయి
తగరంపూడి గ్రామంలోని చిన రామాలయం వీధి, స్కూల్ జంక్షన్ వద్ద 2019లో ఏర్పాటు చేసిన శ్రీ గుడివాడ గురునాధరావు గారి విగ్రహానికి సంబంధించి, ఈనెల 20వ తేదీ రాత్రి 09:00 గంటల నుండి 21వ తేదీ తెల్లవారుజామున 05:00 గంటల మధ్య కాలంలో గుర్తుతెలియని వ్యక్తులు విగ్రహం యొక్క రెండు చేతులను ధ్వంసం చేశారు
ఈ ఘటనపై తగరంపూడి గ్రామానికి చెందిన యాదగిరి రామచంద్ర రావు ఇచ్చిన లిఖితపూర్వక ఫిర్యాదు మేరకు, అనకాపల్లి రూరల్ పోలీసులు కేసు నమోదు చేశారు. Cr.No.54/2026 U/s 196(1), 324 (4) r/w 3 (5) కింద కేసు నమోదు చేసి ప్రాథమిక విచారణ చేపట్టారు
పోలీసుల దర్యాప్తులో లభించిన ఆధారాల ప్రకారం, ఈ విగ్రహ ధ్వంసానికి తగరంపూడి గ్రామానికి చెందిన ఈ క్రింది ముగ్గురు వ్యక్తులు కారకులుగా ప్రాథమికంగా నిర్ధారించడమైనది:మార్టూరు సోమశేఖర్,మైచర్ల మోహన్,ముమ్మిన చంద్రుడు

సదరు నిందితులను పోలీసులు అదుపులోకి తీసుకుని, చట్టప్రకారం U/s. 35(3) BNSS కింద నోటీసులు జారీ చేశారు.
ఈ కేసులో దర్యాప్తు ఇంకా కొనసాగుతోంది. తదుపరి విచారణలో ఎవరి ప్రమేయం ఉన్నట్లు తేలినా,వారు ఎంతటి వారైనా సరే చట్టపరంగా కఠిన చర్యలు తీసుకుంటామని పోలీసులు హెచ్చరించారు.