యలమంచిలి | 7 ఎంపీటీసీ స్థానాలూ కైవసం – జడ్పీటీసీ స్థానంలో జనసేన అభ్యర్థి రావి చలపతికి 2,367 ఓట్ల భారీ మెజారిటీ..!!
క్రైమ్ అనాల్సిస్ - టివియస్ ప్రకాష్ (స్పెషల్ రిపోర్టర్ ) :
అనకాపల్లి జిల్లా యలమంచిలి మండల పరిధిలో జరిగిన జడ్పీటీసీ, ఎంపీటీసీ ఎన్నికల్లో తెలుగుదేశం, జనసేన కూటమి అభ్యర్థులు ఘన విజయాలు సాధించారు. మండల రాజకీయాల్లో కూటమి తన ఆధిపత్యాన్ని చాటుకుంటూ ఎంపీటీసీ స్థానాలన్నింటినీ కైవసం చేసుకోవడం విశేషంగా నిలిచింది.
యలమంచిలి మండలంలోని మొత్తం 7 ఎంపీటీసీ స్థానాలకు జరిగిన ఎన్నికల్లో కూటమి అభ్యర్థులు ఏడింటిలోనూ విజయం సాధించారు. వీటిలో తెలుగుదేశం పార్టీ 5 స్థానాలను గెలుచుకోగా, జనసేన పార్టీ 2 స్థానాలను కైవసం చేసుకుంది. అదేవిధంగా యలమంచిలి జడ్పీటీసీ స్థానంలో జనసేన అభ్యర్థి రావి చలపతి 2,367 ఓట్ల భారీ మెజారిటీతో ఘన విజయం సాధించారు.ఈ ఫలితాలతో యలమంచిలి మండలంలో కూటమి శ్రేణుల్లో నూతన ఉత్సాహం నెలకొంది. ఎన్నికల ప్రచారంలో కూటమి నాయకులు, కార్యకర్తలు సమన్వయంతో పనిచేయడం, గ్రామస్థాయిలో ప్రజల మద్దతు కూడగట్టడం విజయానికి ప్రధాన కారణాలుగా రాజకీయ వర్గాలు విశ్లేషిస్తున్నాయి.
ఎంపీటీసీ స్థానాల వారీగా ఎన్నికల ఫలితాలు
1. పేట బయ్యవరం ఎంపీటీసీ:
మొత్తం ఓట్లు: 1,922
తెలుగుదేశం పార్టీ: యల్లపు లక్ష్మి 1,278 అత్యధిక మెజార్టీ.
వైఎస్సార్ కాంగ్రెస్ పార్టీ: 559
నోటా: 8
చెల్లని ఓట్లు: 77
విజేత: తెలుగుదేశం పార్టీ అభ్యర్థి.
2. జంపపాలెం ఎంపీటీసీ:
మొత్తం ఓట్లు: 2,030
జనసేన పార్టీ: 1,205
వైఎస్సార్ కాంగ్రెస్ పార్టీ: 779
నోటా: 15
విజేత: జనసేన పార్టీ అభ్యర్థి.
3. రేగుపాలెం ఎంపీటీసీ:
మొత్తం ఓట్లు: 2,256
తెలుగుదేశం పార్టీ: 1,209
వైఎస్సార్ కాంగ్రెస్ పార్టీ: 941
విజేత: తెలుగుదేశం పార్టీ అభ్యర్థి.
4. కొత్తలి ఎంపీటీసీ:
మొత్తం ఓట్లు: 3,063
తెలుగుదేశం పార్టీ: 1,793
వైఎస్సార్ కాంగ్రెస్ పార్టీ: 1,166
విజేత: తెలుగుదేశం పార్టీ అభ్యర్థి.
5. ఎడికొప్పాక–2 ఎంపీటీసీ:
మొత్తం ఓట్లు: 1,776
జనసేన పార్టీ: 926
వైఎస్సార్ కాంగ్రెస్ పార్టీ: 786
విజేత: జనసేన పార్టీ అభ్యర్థి.
6. పులపర్తి ఎంపీటీసీ:
మొత్తం ఓట్లు: 3,640
తెలుగుదేశం పార్టీ: 1,696
వైఎస్సార్ కాంగ్రెస్ పార్టీ: 900
స్వతంత్రులు: 102
విజేత: తెలుగుదేశం పార్టీ అభ్యర్థి.
7. ఎడికొప్పాక–1 ఎంపీటీసీ:
మొత్తం ఓట్లు: 2,583
తెలుగుదేశం పార్టీ: 902
వైఎస్సార్ కాంగ్రెస్ పార్టీ: 883
విజేత: తెలుగుదేశం పార్టీ అభ్యర్థి.
కూటమి శ్రేణుల్లో విజయోత్సాహం
యలమంచిలి మండలంలో ఎంపీటీసీ స్థానాలన్నింటినీ కూటమి కైవసం చేసుకోవడంతో తెలుగుదేశం, జనసేన శ్రేణుల్లో హర్షాతిరేకాలు వ్యక్తమవుతున్నాయి. జడ్పీటీసీ స్థానంలోనూ జనసేన అభ్యర్థి రావి చలపతి భారీ మెజారిటీతో విజయం సాధించడం కూటమికి మరింత బలాన్ని చేకూర్చింది.
గ్రామీణ ప్రాంతాల్లో కూటమి పార్టీలకు లభించిన ఈ ప్రజా మద్దతు రాబోయే రోజుల్లో మండల అభివృద్ధి కార్యక్రమాలకు మరింత ఊతమిస్తుందని కూటమి నాయకులు ఆశాభావం వ్యక్తం చేస్తున్నారు.
మొత్తంగా యలమంచిలి మండలంలో ఏడు ఎంపీటీసీ స్థానాలకు ఏడు స్థానాలూ కూటమి ఖాతాలో చేరడం, జడ్పీటీసీ స్థానాన్ని కూడా జనసేన గెలుచుకోవడం ఈ ఎన్నికల్లో తెలుగుదేశం పార్టీ యలమంచిలి మండల ఆర్గనైజింగ్ సెక్రటరీ యడ్ల చినబాబు, మరియు తెలుగుదేశం నాయకుల పనితీరు ప్రత్యేక ఆకర్షణగా నిలిచింది.