ఢిల్లీ-NCRలో విషవాయువు విలయం: GRAP-3 ఆంక్షలు అమలు, AQI 391కి చేరిక

ఢిల్లీ-NCRలో విషవాయువు విలయం: GRAP-3 ఆంక్షలు అమలు, AQI 391కి చేరిక

08/November/2026 09:40    Share:   

న్యూఢిల్లీ:

దేశ రాజధాని ఢిల్లీతో సహా పలు నగరాల్లో వాయు కాలుష్య స్థాయిలు ప్రమాదకరంగా పెరగడంతో కేంద్ర ప్రభుత్వం GRAP (గ్రేడెడ్ రెస్పాన్స్ యాక్షన్ ప్లాన్) చర్యలను కఠినతరం చేసింది.

వాయు నాణ్యత నిర్వహణ కమిషన్ (CAQM) శుక్రవారం ఢిల్లీ-NCR పరిధిలో GRAP-3వ దశ ఆంక్షలను అమలు చేస్తున్నట్లు ప్రకటించింది. శుక్రవారం ఉదయం ఢిల్లీ మొత్తం ఎయిర్ క్వాలిటీ ఇండెక్స్ (AQI) 391గా నమోదైంది. ఇది 'తీవ్ర' కేటగిరీకి చేరువగా ఉంది. నగరంలోని 59 పర్యవేక్షణ కేంద్రాల్లో 30 చోట్ల ఉదయం 9 గంటలకే 'తీవ్ర' స్థాయి కాలుష్యం నమోదుకాగా, మిగిలిన చోట్ల 'అత్యంత అధ్వాన్న' స్థాయిలో నమోదైంది. దట్టమైన పొగమంచు, విషపూరిత పొగ నగరాన్ని కమ్మేసింది.

  • ఢిల్లీతో పాటు గురుగ్రామ్, ఫరీదాబాద్, సోనిపట్, ఘజియాబాద్, గౌతమ్ బుద్ధ నగర్ జిల్లాల్లో BS-III పెట్రోల్, BS-IV డీజిల్ అంతకంటే తక్కువ ప్రమాణాలున్న నాలుగు చక్రాల వాహనాల (LMV) రాకపోకలపై నిషేధం.
  • మొత్తం NCR పరిధిలో దుమ్ము వెదజల్లే నిర్మాణ, కూల్చివేత (C&D) కార్యకలాపాలపై నిషేధం. రైల్వే-మెట్రో, విమానాశ్రయాలు, ఆస్పత్రులు, నీటి సరఫరా, జాతీయ భద్రతా ప్రాజెక్టులకు మాత్రమే మినహాయింపు.
  • 5వ తరగతి వరకు విద్యార్థులకు ఢిల్లీ, గురుగ్రామ్, ఫరీదాబాద్, ఘజియాబాద్, గౌతమ్ బుద్ధ నగర్‌లో హైబ్రిడ్ మోడ్ (ఆన్‌లైన్/ఆఫ్‌లైన్) తరగతులు.
  • నవంబర్ 5 నుంచి 20 వరకు ప్రభుత్వ, ప్రైవేట్ కార్యాలయాల్లో 50 శాతం సిబ్బందికి వర్క్ ఫ్రమ్ హోమ్. పరిశ్రమలు, అత్యవసర సేవలకు మినహాయింపు.

గత ఏడాది నవంబర్ నెలలో కాలుష్యం తీవ్ర, అతి తీవ్ర స్థాయికి చేరిన నేపథ్యంలో, స్థానిక ఉద్గారాలు, పంట వ్యర్థాల దహనం, తక్కువ గాలి వేగం, వాతావరణ పరిస్థితుల దృష్ట్యా ఈ ముందస్తు చర్యలు తీసుకున్నట్లు CAQM తెలిపింది.

ప్రజలు అనవసర ప్రయాణాలు మానుకోవాలని, మాస్కులు ధరించాలని, వృద్ధులు, చిన్నారులు, శ్వాసకోశ వ్యాధిగ్రస్తులు అప్రమత్తంగా ఉండాలని అధికారులు సూచించారు

Breaking News

Subscribe our Newsletter