#కొళాయి పైపులైన్ లీక్తో తాగునీరు వృథా..!
#మరమ్మతులు చేయడంలో మున్సిపాలిటీ నిర్లక్ష్యం..!!
#రోజుల తరబడి నీరు వృథా అవుతున్నా పట్టించుకోని అధికారులు..!!!
#కొత్తపేట వీధిలో ప్రజల తీవ్ర ఆగ్రహం..
క్రైమ్ అనాల్సిస్ | టివియస్ ప్రకాష్ (స్పెషల్ రిపోర్టర్ )
యలమంచిలి మున్సిపాలిటీ పరిధిలోని కొత్తపేట వీధిలో లింగం డాక్టర్ గారి ఇంటి ఎదురుగా మరియు మామిడి కొండయ్య వీధి లో నీటి కొళాయి లీకేజీ, కాలువలు ఘోరమైన శుభ్రత లేక తాగునీరు కుళ్ళి కాలువ నీరు కంపు, తాగునీటి కొళాయి పైపులైన్ లీకేజీతో విలువైన తాగునీరు వృథాగా పోతున్నా సంబంధిత అధికారులు పట్టించుకోవడం లేదని స్థానికులు ఆవేదన వ్యక్తం చేస్తున్నారు.తాగునీటి పైపులైన్ దెబ్బతినడంతో నీరు రోడ్డుపైకి వచ్చి ప్రవహిస్తోంది. దీంతో రహదారిపై ఎక్కడికక్కడ నీరు నిలిచిపోవడంతో పరిసర ప్రాంతాల్లో అపరిశుభ్ర వాతావరణం ఏర్పడుతోంది. ఒకవైపు ప్రజలకు తాగునీటి సమస్యలు ఎదురవుతున్న సమయంలో మరోవైపు పైపులైన్ లీకేజీల ద్వారా వేల లీటర్ల నీరు వృథా కావడం పట్ల స్థానికులు తీవ్ర అసంతృప్తి వ్యక్తం చేస్తున్నారు.
ఫిర్యాదులు చేసినా ఫలితం ఎక్కడ?
పైపులైన్ లీకేజీ విషయాన్ని సంబంధిత మున్సిపల్ సిబ్బంది దృష్టికి తీసుకెళ్లినా సమస్య పరిష్కారానికి తగిన చర్యలు తీసుకోవడం లేదని స్థానికులు ఆరోపిస్తున్నారు. చిన్నపాటి మరమ్మతుతో పరిష్కరించగల సమస్యను అధికారులు నిర్లక్ష్యం చేయడం వల్ల పరిస్థితి మరింత అధ్వానంగా మారుతోందని వారు అంటున్నారు.
రోడ్డుపై మురుగునీరు.. దోమల బెడద.
పైపులైన్ నుంచి వస్తున్న నీరు రోడ్డుపై నిలిచిపోవడంతో పరిసరాల్లో బురద, చెత్త పేరుకుపోతున్నాయి. దీంతో దోమలు, ఈగలు పెరిగే అవకాశం ఉండటంతో స్థానికులు ఆందోళన చెందుతున్నారు. తాగునీటి పైపులైన్ లీకేజీని వెంటనే అరికట్టి, రహదారిపై నిలిచిన నీటిని తొలగించి పారిశుద్ధ్య చర్యలు చేపట్టాలని ప్రజలు కోరుతున్నారు.
నీటి విలువ తెలియదా?
ప్రజలకు తాగునీటిని అందించేందుకు మున్సిపాలిటీ భారీగా నిధులు వెచ్చిస్తోంది. అలాంటి విలువైన నీరు పైపులైన్ లీకేజీల కారణంగా రోడ్డుపై వృథాగా పారిపోతున్నా అధికారులు స్పందించకపోవడంపై విమర్శలు వెల్లువెత్తుతున్నాయి. నీటి పొదుపు గురించి ప్రజలకు అవగాహన కల్పించే అధికారులు ముందుగా లీకేజీలను అరికట్టాల్సిన అవసరం ఉందని స్థానికులు పేర్కొంటున్నారు.
వెంటనే చర్యలు తీసుకోవాలి.
కొత్తపేట వీధిలో లీకవుతున్న కొళాయి పైపులైన్ను వెంటనే గుర్తించి మరమ్మతులు చేపట్టాలని, రోడ్డుపై నిలిచిన నీటిని తొలగించి పారిశుద్ధ్య చర్యలు చేపట్టాలని స్థానికులు మున్సిపల్ అధికారులను కోరుతున్నారు. సమస్యను నిర్లక్ష్యం చేస్తే రానున్న రోజుల్లో రహదారి పరిస్థితి మరింత దెబ్బతినే అవకాశం ఉందని వారు ఆందోళన వ్యక్తం చేస్తున్నారు.
ఇప్పటికైనా యలమంచిలి మున్సిపల్ అధికారులు స్పందించి కొత్తపేట వీధిలో తాగునీటి పైపులైన్ లీకేజీకి శాశ్వత పరిష్కారం చూపుతారా? లేక సమస్య యథాతథంగా కొనసాగుతుందా? అనేది వేచి చూడాలి.
