యలమంచిలిలో విద్యుత్ వైర్లకు తగులుతున్న చెట్టుకొమ్మలు: నిప్పురవ్వలతో స్థానికుల ఆందోళన

యలమంచిలి: యలమంచిలి పట్టణంలోని రంగవారి వీధిలో ప్రమాదకర పరిస్థితి నెలకొంది. వర్షాకాలం నేపథ్యంలో ఇక్కడి ప్రధాన రహదారిపై ఉన్న చెట్టుకొమ్మలు విద్యుత్ వైర్లకు బలంగా తగులుతున్నాయి. దీనివల్ల వైర్ల నుండి నిప్పురవ్వలు ఎగిసిపడుతూ, పొగలు వస్తుండటంతో స్థానికులు తీవ్ర భయాందోళనలకు గురవుతున్నారు. ఈరోజు ఉదయం కూడా ఇదే విధంగా భారీగా నిప్పురవ్వలు రావడంతో రోడ్డుపై ప్రయాణించే వారు, ముఖ్యంగా సమీపంలోని వాగ్దేవి కాలేజీ విద్యుత్ లైన్ల కింద నుండి వెళ్లే విద్యార్థులు, బాటసారులు ప్రాణాలు గుప్పిట్లో పెట్టుకుని ప్రయాణించాల్సి వస్తోంది. ప్రమాదం జరగక ముందే విద్యుత్ శాఖ అధికారులు స్పందించి, తక్షణమే ఆ చెట్టుకొమ్మలను నరికివేసి సమస్యను పరిష్కరించాలని ప్రజలు కోరుతున్నారు.