ఏలూరులో ఆదివారం సాయంత్రం 4 గంటలకు జరగనున్న దళిత–క్రైస్తవ సమర శంఖారావం విజయవంతం చేయాలని జడ శ్రవణ్ కుమార్ పిలుపునిచ్చారు.
ఈ రోజు ఏలూరులో జరిగిన విలేకరుల సమావేశంలో ఆయన మాట్లాడుతూ:
పత్రిక స్వేచ్ఛ ఎంతో ప్రాముఖ్యత కలిగినదని, ప్రాథమిక హక్కులకు భంగం కలిగించరాదని అన్నారు.
ఆర్టికల్ 25 ప్రకారం ప్రతి పౌరుడికి మతాన్ని పాటించే, ప్రచారం చేసే హక్కు ఉందని గుర్తు చేశారు.
రఘురామకృష్ణ రాజు అనుచిత వ్యాఖ్యలు చేయడం సరికాదని, ఆయనపై ప్రజాస్వామ్య పద్ధతిలో ప్రశ్నలు లేవనెత్తారు.
రాష్ట్ర ప్రజల సొమ్ముతో నెలకు ఇరవై లక్షలు ఖర్చు అవుతుంటే, ప్రజల భావాలను దెబ్బతీసేలా వ్యాఖ్యలు చేయడం తగదని అన్నారు.
"రెండు చక్కల దేవుడు" అని చేసిన విమర్శలపై త్వరలో రాజకీయ సమాధి కట్టబోతున్నామని హెచ్చరించారు.
ఆదివారం జరిగే సభలో 33 డిమాండ్స్ తో లక్షలాది మంది పాల్గొంటారని తెలిపారు.
క్షమాపణలు అడగకపోతే ఉద్యమాన్ని రాష్ట్రవ్యాప్తంగా విస్తరించనున్నామని స్పష్టం చేశారు.
ప్రజాస్వామ్యం బ్రతకాలని, జర్నలిస్టుల హక్కులు కాపాడాలని పిలుపునిచ్చారు.
మత చిచ్చుతో పాకిస్తాన్ పరిస్థితి దయనీయంగా మారిందని ఉదాహరణగా చెప్పారు.
ఆర్ఎస్ఎస్ ముసుగులో క్రైస్తవులపై దాడులు జరుగుతున్నాయని ఆరోపించారు.
ఎన్డీఏ కూటమి ప్రజల ప్రాథమిక హక్కులను కాపాడాల్సిన బాధ్యత ఉందని గుర్తు చేశారు.
రేపు ఏలూరులో జరిగే దళిత–క్రైస్తవ సమర శంఖారావ సభకు భారీగా ప్రజలు తరలి వచ్చి సంఘీభావం తెలియజేయాలని కోరారు.పాల్గొన్న నేతలు ఈ సమావేశంలో చాగంటి సంజీవ్ ఐఆర్ఎస్, నేతల రమేష్ బాబు, మెండెం సంతోష్ కుమార్, పల్లెం ప్రసాద్, జక్కుల బెనర్జీ, గొల్ల నరేష్, పెరికే వరప్రసాద్, పర్సా సురేష్ తదితరులు పాల్గొన్నారు.
