వేడీ ఒత్తిడి నివారణపై అవగాహన – ప్రజలకు ముఖ్య సూచనలు

అనకాపల్లి: రాష్ట్రవ్యాప్తంగా ఉష్ణోగ్రతలు రోజురోజుకూ పెరుగుతున్న నేపథ్యంలో ప్రజలు వేడి ప్రభావానికి గురయ్యే ప్రమాదం ఎక్కువగా ఉందని వైద్య నిపుణులు హెచ్చరిస్తున్నారు. ముఖ్యంగా హీట్ స్ట్రోక్, డీహైడ్రేషన్ వంటి సమస్యలు వేగంగా పెరుగుతున్నాయి. ఇటీవల ఆసుపత్రుల్లో కూడా వేడి సంబంధిత కేసులు పెరుగుతున్నట్టు నివేదికలు చెబుతున్నాయి.ప్రభుత్వ ఆరోగ్య శాఖ సూచనల ప్రకారం, ఎండాకాలంలో కొన్ని జాగ్రత్తలు పాటిస్తే ఈ ప్రమాదాల నుండి సులభంగా రక్షించుకోవచ్చు. ముఖ్యంగా:దాహం లేకపోయినా తరచూ నీళ్లు తాగాలి మధ్యాహ్నం 12 నుంచి 3 గంటల మధ్య బయటకు వెళ్లడం తగ్గించాలి 
తేలికపాటి, లైట్ కలర్ దుస్తులు ధరించాలి గొడుగు, టోపీ వంటివి ఉపయోగించాలి మద్యం, కాఫీ, గ్యాస్ పానీయాలను తగ్గించాలి అలాగే నిమ్మరసం, మజ్జిగ, కొబ్బరి నీరు వంటి సహజ పానీయాలు తీసుకోవడం ద్వారా శరీరంలో నీటి శాతం నిల్వ ఉంచుకోవచ్చు. వేడి సమయంలో కఠినమైన పనులు చేయకుండా ఉదయం లేదా సాయంత్రం సమయంలో మాత్రమే చేయడం మంచిదని నిపుణులు సూచిస్తున్నారు.హీట్ స్ట్రోక్ లక్షణాలు అయిన తలనొప్పి, తల తిరగడం, వాంతులు, అధిక జ్వరం వంటి సమస్యలు కనిపిస్తే వెంటనే వైద్యుడిని సంప్రదించాలి. సరైన చికిత్స తీసుకోకపోతే ప్రాణాపాయం కూడా కలగవచ్చని హెచ్చరిస్తున్నారు. ప్రత్యేకంగా చిన్నపిల్లలు, వృద్ధులు, గర్భిణీలు ఎక్కువ జాగ్రత్తలు తీసుకోవాలి. ఇంట్లో చల్లటి వాతావరణం ఉండేలా చూసుకోవడం, బయటకు వెళ్లే సమయాన్ని నియంత్రించడం అవసరం.
మొత్తంగా ప్రజలు ఈ సూచనలు పాటిస్తే ఎండాకాలంలో వచ్చే ఆరోగ్య సమస్యలను చాలా వరకు నివారించవచ్చని అధికారులు చెబుతున్నారు.
క్రైమ్ ఎనాలిసిస్ జిల్లా ఇంచార్జ్ శ్రీనివాస్