ఏలూరు జిల్లా పోలీస్ కార్యాలయంలో గురువారం (25.06.2026) శ్రీ వై. ప్రసాదరావు గారు అదనపు పోలీస్ సూపరింటెండెంట్ (అడ్మిన్)గా అధికారికంగా పదవీ బాధ్యతలు స్వీకరించారు.
జిల్లా ఎస్పీతో మర్యాదపూర్వక భేటీ
పదవీ బాధ్యతలు స్వీకరించిన అనంతరం, అదనపు ఎస్పీ శ్రీ వై. ప్రసాదరావు గారు ఏలూరు జిల్లా ఎస్పీ శ్రీ కె. ప్రతాప్ శివ కిషోర్, ఐపీఎస్ గారిని మర్యాదపూర్వకంగా కలిశారు. ఈ సందర్భంగా ఆయనకు పుష్పగుచ్ఛం అందించి శుభాకాంక్షలు తెలిపారు.
ఎస్పీ గారి అభినందనలు & దిశానిర్దేశం
ఈ సందర్భంగా జిల్లా ఎస్పీ గారు శ్రీ వై. ప్రసాదరావు గారికి అభినందనలు తెలియజేశారు. జిల్లా పోలీసు పరిపాలనను మరింత సమర్థవంతంగా నిర్వహిస్తూ, సిబ్బంది పరిపాలనా విధానాలలో మెరుగైన సేవలు అందించే దిశగా కృషి చేయాలని ఆయన ఆకాంక్షించారు.
డిజిపి గారికి కృతజ్ఞతలు:
తనకు ఈ అవకాశం కల్పించినందుకు గౌరవ ఆంధ్రప్రదేశ్ రాష్ట్ర డిజిపి శ్రీ హరీష్ కుమార్ గుప్త, ఐపీఎస్ గారికి శ్రీ వై. ప్రసాదరావు గారు ప్రత్యేక కృతజ్ఞతలు తెలియజేశారు.
బలోపేతం కానున్న పోలీస్ శాఖ
ఏలూరు జిల్లా అదనపు ఎస్పీ (అడ్మిన్) గా బాధ్యతలు చేపట్టిన వై. ప్రసాదరావు గారి సుదీర్ఘ అనుభవం, పరిపాలనా నైపుణ్యం మరియు సేవా దృక్పథం జిల్లా పోలీసు శాఖ పనితీరును మరింత బలోపేతం చేస్తాయని జిల్లా పోలీసు అధికారులు ఆశాభావం వ్యక్తం చేశారు.
శుభాకాంక్షల వెల్లువ
ఈ కార్యక్రమంలో జిల్లా పోలీసు కార్యాలయ ఏఓ షేక్ మస్తాన్ గారు, ఆఫీస్ సూపరింటెండెంట్లు నాగేశ్వరరావు గారు, సువర్చల గారు, ఏఆర్ ఆర్ఐ పవన్ కుమార్ గారు, ఇతర పోలీస్ అధికారులు మరియు సిబ్బంది పాల్గొని శ్రీ వై. ప్రసాదరావు గారికి ఘనంగా శుభాకాంక్షలు తెలియజేశారు.
- కొండల ప్రసాద్, CA న్యూస్ ఇంచార్జి, ఏలూరు
